Linzalardan foydalanishda ko‘pchilik yo‘l qo‘yadigan 6 ta xato

Kontakt linzalari hayotni ancha osonlashtiradigan va qulaylik tug‘diradigan insoniyatning ajoyib ixtirolaridan biridir. Ammo qoidalarga rioya qilinmasa, linzalardan foydalanish salbiy oqibatlarga olib kelishi mumkin, deb yozadi “Noviy ochag”.

Doimo qo‘llarni yuvmaslik

Birinchi va, ehtimol, eng muhim qoida — linzalarni qo‘yish yoki olib tashlashdan oldin qo‘lni sovun bilan yaxshilab yuvishdir. Bundan tashqari, barmoq uchlariga alohida e’tibor berilishi kerak. Kun davomida qo‘llar juda ko‘p miqdordagi bakteriyalar bilan aloqa qiladi va bu nafaqat ko‘chada yoki jamoat transportida, balki uyda ham sodir bo‘ladi. Patogen mikroorganizmlar qo‘llardan ko‘zning shilliq qavatiga kirib, yallig‘lanish va infeksiyalarni keltirib chiqarishi mumkin.

Linzalarni me'yordan ortiq taqish

Agar ikki haftalik linzalardan 2 baravar ko‘proq foydalanilsa va kamida bir necha kun kundalik linzalar taqilsa, ko‘p narsalarni tejash mumkin, shunday emasmi? Lekin, aslida, bu juda yomon fikr, chunki har bir turdagi linzalar o‘ziga xos xususiyatga ega. Agar foydalanish shartlari buzilsa, linzalar tiqilib qoladi va kislorodni o‘tkazishni to‘xtatadi — bu ko‘zlar uchun juda xavflidir. Kontakt linzalardan uzoq muddat foydalanish shox pardani ham shikastlashi mumkin.

Linza bilan uxlash

Aksariyat linzalar tunda foydalanish uchun mo‘ljallanmagan. Gap shundaki, yopiq ko‘zlarda deyarli linzalar kislorod olmaydi, shuning uchun shifokorlar kunduzgi uyqudan oldin ham linzalarni olib tashlashni maslahat beradi.

Tozalik qoidalariga rioya qilmaslik

Ularni shunchaki olib tashlash va idishga solib qo‘yish mumkin, deb o‘ylash xato. Linzalar nafaqat yaxshi ko‘rishga yordam beradi, balki ko‘zni ifloslanishdan himoya qiladi. Foydalanilgandan so‘ng linzalarni toza qo‘l bilan dezinfeksiyali eritmada har ikki tomondan ko‘rsatkich barmoqda artib olish kerak. Keyin yuvib, maxsus idishga solish lozim.

Linza idishini yuvmaslik

Yana bir keng tarqalgan xato. Linza idishidagi suyuqlikni har kuni o‘zgartirish kerak, shundan so‘ng uni dezinfeksiyali eritma bilan yaxshilab yuvib tashlab, quritishga qo‘yiladi. Keyingi foydalanishdan oldin idish quruqligiga ishonch hosil qilish juda ham muhim, chunki nam muhit bakteriyalar rivojlanishi uchun ideal sharoit yaratadi.

Makiyajdan keyin linzalarni taqish

Linzalarni taqish vaqtida ten toki tushning kichik zarralari ularga tushishi mumkin, shuning uchun linzalar taqilgandan keyin makiyaj qilinishi kerak. Bundan tashqari, ishlab chiqaruvchilar yallig‘lanish xususiyatining oldini olish uchun suvga chidamli tenlardan foydalanishni tavsiya etadi.

Yodda tuting!

Yiliga kamida bir marta optometrist ko‘rigidan o‘tish lozim.