Farg‘ona viloyati Dang‘ara tumanida fuqaroni ijtimoiy tarmoqlar orqali obro‘sizlantirmoqchi bo‘lgan tovlamachi ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Dang‘ara tuman bo‘limi tomonidan IIB xodimlari bilan hamkorlikda tezkor tadbir o‘tkazilgan. Unda fuqaro D.M. (ayol) fuqaro E.ning qadr-qimmati va obro‘siga putur yetkazishi mumkin bo‘lgan fotosurat va videolarni internet ijtimoiy tarmoqlarida tarqatib yuborishi bilan qo‘rqitgani aniqlangan. U bu ishni qilmaslik evaziga ayoldan tovlamachilik yo‘li bilan 2 ming dollarni talab qilib olgan vaqtida ashyoviy dalillar bilan ushlangan.
Holat yuzasidan Jinoyat kodeksining 165-moddasi (tovlamachilik) bilan jinoyat ishi qo‘zg‘atilib, tergovga tegishliligi bo‘yicha yuborilgan.
Mavzuga doir:
- Jizzaxda 21 yoshli yigitni ayollar bilan yurishini ota-onasiga aytish bilan qo‘rqitib, undan 3 mln so‘m talab qilgan shaxslar ushlandi
- Andijonda ayollarning intim suratlari va videosini internetda tarqatish bilan qo‘rqitib, ulardan pul undirib kelgan shaxs 5 yilga ozodlikdan mahrum qilindi
- Andijonda 16 yoshli qizning shaxsiy ma’lumotlarini tarqatmaslik uchun 200 ming olgan yigit ushlandi