“Milliy intellektual taraqqiyot” (MIT, “Innopraktika” brendi ostida ishlaydi) jamg‘armasi bosh direktori Katerina Tixonova Rossiya sanoatchilar va tadbirkorlar ittifoqi (RSTI) qoshidagi import o‘rnini bosish bo‘yicha muvofiqlashtiruvchi kengash raisdoshi bo‘ldi, deb yozadi “RBK”.
Katerina Tixonova Moskva davlat universiteti Murakkab tizimlar matematik tadqiqotlari instituti direktori o‘rinbosari lavozimida ishlaydi va “Milliy intellektual taraqqiyot” jamg‘armasini boshqaradi, ayni vaqtda esa Milliy intellektual zaxira markazi (MDU bo‘linmasi)ga rahbarlik qiladi. Ikkala tuzilma ham “Innopraktika” brendi ostida faoliyat yuritadi.
Reuters va Bloomberg agentliklari avvalroq Tixonovani Rossiya prezidenti Vladimir Putinning qizi deb atagandi. Bu axborot rasman na rad etilgan, na tasdiqlangan. 2015-yil dekabrida matbuot anjumani chog‘ida Putin, shu jumladan, xavfsizlik masalalari yuzasidan, o‘z oilasini muhokama qilmasligini ta’kidlagandi.
2022-yil aprelida AQSH, Yevroittifoq, Buyuk Britaniya, Kanada, Yaponiya va Avstraliya Tixonovaga qarshi kirishni taqiqlovchi hamda barcha aktivlar va hisoblarni bloklovchi sanksiyalarni kiritgan edi.
Izoh (0)