“Barselona” kelasi haftada Robert Levandovski va yana 2 futbolchi transferini amalga oshirmoqchi

“Barselona” kelasi haftada televizion huquqlarini sotishdan 320—330 million yevro oladi.

Sport.es jurnalisti Ferran Korreasga ko‘ra, katalonlar buning evaziga Robert Levandovski (“Bavariya”), Rafinya Dias (“Lids”) va yangi shartnoma borasida kelishuvga yaqin turgan Usmon Dembelening transferlarini amalga oshira oladi.

“Barselona” avvalroq moliyaviy ahvolini mustahkamlash uchun televideniye huquqlarining 25 foizini va atributikalar biznesining deyarli 50 foizini sotishga qaror qilgandi.

Levandovski “Barselona”ning asosiy transfer maqsadi bo‘lib turibdi, futbolchi va klub og‘zaki kelishuvga erishgan. Faqatgina “Bavariya” transferga rozilik berishi qolgan. Rafinya uchun “Barselona” 72 million yevro taklif qilgani aytilmoqda. Dembele esa shartnomasi yakunlangach, yangi futbolchi sifatida ro‘yxatdan o‘tkaziladi.