AQSH harbiylari IShID terror tashkiloti yetakchilaridan birini yo‘q qilishga muvaffaq bo‘lgani haqida xabar berdi, deb yozmoqda Reuters.
Al-Agal Iroq va Suriyadan tashqarida IShID tarmoqlarini rivojlantirish uchun mas’ul bo‘lgan.
“Operatsiya puxta rejalashtirilgan edi va muvaffaqiyatli amalga oshirildi. Dastlabki tekshiruv tinch aholi orasida qurbonlar yo‘qligini ko‘rsatdi”, — deyiladi xabarda.
Eslatib o‘tamiz, avvalroq AQSH prezidenti Jo Bayden Amerika maxsus kuchlari IShID rahbari Abu Ibrohim al-Hoshimiy al-Qurayshini yo‘q qilgani haqida e’lon qilgandi.
Keyinroq ma’lum bo‘lishicha, 13 nafar tinch aholi (ulardan olti nafari bolalar) AQSH harbiylarining Suriyadagi maxsus operatsiyasi qurboni bo‘lgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)