“Chelsi” bosh murabbiyi Tomas Tuxel Krishtianu Ronalduni jamoaga olib kelishga qarshi.
Daily Mail nashrining yozishicha, nemis mutaxassisi “aristokratlar” hujum chizig‘ida Rahim Sterling, Rafinya Dias va Kay Havertslar bo‘lishini xohlamoqda.
“Manchester Yunayted” hujumchisi bilan shartnoma imzolanishi o‘yin balansini buzib yuborishi mumkin.
Xuddi shunga o‘xshash vaziyat o‘tgan mavsumda ham yuz bergandi: mankunianliklar bosh murabbiyligida Sulsher Jeydon Sancho, Meyson Grinvud va Markus Reshfordlarni sinamoqchi edi. Ammo Ronalduning “Yuventus”dan xarid qilinishi rejalarni o‘zgartirilishiga sabab bo‘lgan. 2021-yilning kuzida norvegiyalik murabbiy qoniqarsiz natijalar sabab iste’foga chiqarilgandi.
Ma’lumot uchun, Ronaldu oilaviy sabablarga ko‘ra qo‘shimcha ta’til olgan. U qatorasiga to‘rt marta mashg‘ulotlarni o‘tkazib yubordi. Krishtianuning “Manchester Yunayted” mashg‘ulotlariga qachon qo‘shilishi noma’lum.
37 yoshli hujumchi Lissabonda bo‘lib turibdi. U Portugaliya terma jamoasi mashg‘ulotlar bazasiga tashrif buyurgan.
Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.
Izoh (0)