Ispaniyaning ko‘cha bo‘ylab buqalar bilan poyga o‘tkaziladigan San-Fermin festivalida uch kun ichida kamida 22 kishi jarohat oldi. Bu haqda mahalliy OAVga tayanib, “Korrespondent.net” xabar berdi.
Poygalarning birinchi kunida 6 kishi, ikkinchi kuni 8 kishi jarohat oldi, ularning aksariyatida jarohatlar yengil.
Bayramning uchinchi kuni jami 8 kishi jarohat oldi, ulardan uch nafarini buqalar shoxlari bilan suzib yuborgan.
“2022-yilning uchinchi va eng ommaviy ensierro poygasi birinchi marta dam olish kuniga to‘g‘ri keldi, shu sababli u oldingi ikki kunga qaraganda ko‘proq yuguruvchilarni qamrab oldi, tez sur’atda o‘tdi va uch kishining buqa suzib olishidan olgan jarohatlari bilan yakunlandi”, — deyiladi xabarda.
Izoh (0)