Toshkentdagi 3 xonali xonadon boshlang‘ich narxidan 2 barobar qimmatga sotildi

Toshkent shahri, Olmazor tumanidagi xonadon kimoshdi savdosida sotildi. Ma’lumotlar “E-auksion” portalida e’lon qilingan.

Xonadon 7 qavatli turar joy binosining 7-qavatidan joylashgan. Uning umumiy maydoni — 236,6 kvadrat metr. Uyda suv, elektr, gaz ta’minoti va kanalizatsiya tizimi bor.

Uy fuqarolik bo‘yicha sudlar qaroriga binoan, Olmazor tumani MIB tomonidan kimoshdi savdosiga qo‘yilgan edi.

Auksionga qo‘yilgan xonadonning boshlang‘ich bahosi — 453 mln so‘m edi. Kimoshdi savdosi 7-iyul kuni bo‘lib o‘tgan.

Xonadonga berilgan narxlar o‘sib borib, yakunda boshlang‘ich bahosidan 2 barobar qimmatroqqa sotilgan — 969,7 mln so‘m.

Auksion g‘olibi sifatida Baxodir Adilxodjayev ko‘rsatilgan.

Avvalroq auksionga qo‘yilgan yer boshlang‘ich narxidan 200 barobar qimmatga sotilgani haqida xabar berilgandi.