“Wiki-stipendiya” loyihasi boshlangandan beri 3-iyul holatiga ko‘ra, o‘zbekcha vikipediyada yaratilgan maqolalar soni 150 000 taga yetdi. Bu haqda Yoshlar ishlari agentligi direktori Alisher Sa’dullayev xabar qildi.
Qayd etilishicha, o‘zbekcha vikipediya ayni paytda 150 082 ta maqola bilan barcha tillardagi vikipediyalar orasida 58-o‘rinda bormoqda. Shuningdek, o‘zbek tili turkiy tillardagi onlayn ensiklopediyalar orasida turkcha, tatarcha, janubiy ozarbayjoncha, ozarbayjoncha va qozoqcha vikipediyalardan keyin 6-o‘rinda bormoqda.
“‘Wiki-stipendiya’ loyihasi ishga tushgach, avval o‘zbekcha vikipediyada mavjud bo‘lmagan juda ko‘plab maqolalar joylandi. Masalan, ‘Yangi O‘zbekiston’ bog‘i, ‘Zakovat’ intellektual o‘yini, Samarqand noni, O‘zbekiston Qahramoni Lola Murotova haqidagi maqolalar shular jumlasidandir”, — deyiladi xabarda.
Loyiha doirasida joylangan maqolalar bilan mana bu havola orqali tanishish mumkin.
Izoh (0)