Rossiya tashqi ishlar vaziri Sergey Lavrov G‘arb Ukrainadagi vaziyatni yorituvchi ommaviy axborot vositalari faoliyatini to‘xtatish uchun barcha sa’y-harakatlarni amalga oshirayotganini aytdi. Uning bayonotini “RIA Novosti” e’lon qildi.
Ulan-Batorga tashrifi chog‘ida Lavrov G‘arbni OAVga bosim o‘tkazishda ayblab, mamlakatlar Ukrainada bo‘layotgan voqealarni yorituvchi OAV ishiga to‘sqinlik qilayotganini aytdi. U Mo‘g‘ulistondagi hamkorlarini Moskvaning Kiyevga qarshi “maxsus operatsiyasi” qanday borayotgani haqida batafsil xabardor qilganini ta’kidladi.
“Kiyev rejimi vakillarining Ukrainada o‘zini qanday tutgani va tutayotgani haqidagi faktlar dunyo hamjamiyatiga ochiq bo‘lishidan manfaatdormiz”, — dedi u Mo‘g‘uliston tashqi ishlar vaziri Batmunxiyn Battsetseg bilan uchrashuvdan so‘ng.
Eslatib o‘tamiz, avvalroq Lavrov AQSHda rossiyalik jurnalistlar ta’qib qilinayotganini da’vo qilgandi. Uning so‘zlariga ko‘ra, bu hodisa Yevropa va Ukrainada ham keng tarqalgan. “Avvaliga biz jurnalistlar huquqlarini poymol qiluvchi o‘xshash choralar bilan javob berishni istamadik, lekin G‘arbning o‘zi so‘z erkinligini ko‘mdi”, — degan Lavrov.
Izoh (0)