Konstitutsiyada Qoraqalpog‘istonga oid moddalar o‘zgarishsiz qoldiriladi. Mazkur masala, 4-iyul kuni Qonunchilik palatasining navbatdan tashqari yalpi majlisida ko‘rib chiqildi.
Quyi palata matbuot xizmatining ma’lum qilishicha, umumxalq muhokamasi davomida “O‘zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida”gi O‘zbekiston Respublikasi Konstitutsiyaviy qonuni loyihasi yuzasidan Qoraqalpog‘iston aholisidan kelib tushayotgan taklif va mulohazalar yuzasidan Shavkat Mirziyoyev tomonidan Qoraqalpog‘iston Respublikasi Jo‘qorg‘i Kengesi deputatlari hamda Qoraqalpog‘iston Respublikasi faollari bilan bo‘lib o‘tgan uchrashuvda bildirgan takliflarini inobatga olish zarur deb topdi.
Ya’ni, O‘zbekiston Respublikasi Konstitutsiyasining 70, 71, 72, 74 va 75-moddalari o‘zgarishsiz qoldirilib, amaldagi normalarni saqlab qolish maqsadga muvofiq deb topildi.
Shuningdek, “O‘zbekiston Respublikasining Konstitutsiyasiga o‘zgartish va qo‘shimchalar kiritish to‘g‘risida”gi Konstitutsiyaviy qonun loyihasi umumxalq muhokamasi muddatini 15-iyulgacha uzaytirish haqida qaror qabul qilindi.
Izoh (0)