AQSH prezidenti Jo Bayden mamlakat kongressining alohida qo‘mitalariga Finlyandiya hamda Shvetsiyaning NATO a’zoligiga qabul qilinishi yuzasidan hisobotlarni taqdim etdi, deyiladi Oq uy xabarida.
Ikki mamlakatning alyansga kirish uchun so‘rovi qo‘llab-quvvatlanishi uchun AQSH Kongressi mazkur hisobotni ma’qullashi talab etiladi.
Madridda o‘tgan NATO sammitida Turkiya Shvetsiya va Finlyandiyaning alyans a’zoligiga kirishi yuzasidan o‘z e’tirozini qaytarib olgandi.
Qabul qilingan memorandumda mamlakatlarning xavfsizlikka tahdidlar vaqtida bir-birlariga to‘liq yordam berish majburiyati belgilab qo‘yilgan. Keyinroq Turkiya prezidenti Rajab Toyyib Erdo‘g‘on agar Shvetsiya va Finlyandiya Anqara terrorchilik tashkilotlari deb hisoblaydigan guruhlar faoliyatini qonunchilik bilan taqiqlamasa ularning NATOga qabul qilinishini ma’qullamasligini ma’lum qilgan.
Izoh (0)