Samsung kompaniyasi 13-iyul kuni yangi himoyalangan Galaxy XCover 6 Pro smartfonini taqdim etishini e’lon qildi. Hozirda internetda mazkur modelning tasviri tarqalib ketdi, deb xabar beradi IXBT.
Ma’lum qilinishicha, Galaxy XCover 6 Pro yechiladigan orqa panelga ega bo‘lib, uning ostidan almashtirish mumkin bo‘lgan 4050 mA/soat sig‘imli akkumulyator o‘rin oladi. Ushbu konstruksiya foydalanuvchilarga batareyani almashtirish orqali mobil telefonning avtonom ishlashini osonlik bilan uzaytirish imkonini beradi.
Manbalarga ko‘ra, “o‘lmaydigan” yangi Samsung’ni 10 soniya ichida “quvvatlantirish” mumkin bo‘ladi.
Galaxy XCover 6 Pro modeli 6,56 dyuymli AMOLED-ekranga ega bo‘lgan, 13 megapikselli frontal kamerasi old qirqimga joylashtirilgan. Smartfon bir kristalli Qualcomm Snapdragon 778G protsessori, 6 gigabayt tezkor va 128 gigabayt ichki xotira yordamida ishlaydi.
Avtofokusga ega asosiy kamerasi 50 megapiksellni tashkil etadi, unga qo‘shimcha ravishda 8 megapikselli keng burchakli kamera o‘rnatilgan. Shuningdek, smartfon USB-C va 3,5 millimetrli razyomlar, Wi-Fi 6E, Bluetooth 5.2 va NFC’ga ega bo‘ladi.
Avvalroq Xiaomi kompaniyasi Poco F4 va Poco X4 GT smartfonlarini taqdim etgani, Noodatiy Vivo telefoni Ginnesning rekordlar kitobiga kiritilgani to‘g‘risida xabar berilgandi.
Izoh (0)