To‘liq hayot kechirayotgan zamonaviy odam uchun uyqu yetishmasligi muammosi eng dolzarb masala hisoblanadi. Marie Claire nashri ertalabki uyquni qanday yengish kerakligi haqida ma’lumot beradi.
Qahva iching
Uyg‘ongandan keyin bir soat davomida qahva ichmaslik kerak degan qoida mavjud. Oxirgi tadqiqotlar shuni ko‘rsatadiki, bu vaqt davomida tanada kortizol ishlab chiqariladi, bu esa organizmning uyg‘onishiga yordam beradi. Boshqa tomondan, kofein ushbu “stress” gormoni ishlab chiqarishni blokirovka qilish orqali ushbu tabiiy jarayonga aralashadi. Natijada uyqudan keyin odatdagi ritmni tiklash uchun tanaga ko‘proq vaqt kerak bo‘ladi.
Yalpiz chaynang (yoki yalpizli biror narsani)
Agar oldingizda yalpiz bo‘lmasa, unda mentolli saqich yordam beradi — uning ta’siri ikki baravar yorqinroq bo‘ladi. Mentolning o‘zi energiya kuchaytiruvchi bo‘lib, tanani quvvatlantiradi, chaynash esa miyani faollashtiradi — miya ovqat hazm qilish jarayonini boshlash kerak deb o‘ylay boshlaydi. Shuning uchun quvnoqlik tuyg‘usini keltirib chiqaradigan insulin ishlab chiqaradi.
Qo‘llaringizni yuving
Yuz, bosh, tana emas, balki faqat qo‘llarni sovuq suv bilan yuving. Ushbu uslub tezda o‘zingizga kelishingizga imkon beradi va nafaqat uyquchanlik bilan kurashish usuli, balki issiqda tanani sovitish, shuningdek, stressli vaziyatda asabiy taranglikni bartaraf etish uchun ham yaxshi. Bunday reaksiya qo‘llar butun organizm bilan bog‘lanish nuqtalariga ega bo‘lgani bilan bog‘liq.
Massaj qiling
Tanamiz bir nechta nuqtalarga ega, o‘rtacha bosim tanadagi qon aylanishini oshirishga imkon beradi, bu esa uyquchanlikdan xalos bo‘lishga olib keladi. Boshga, bo‘yin orqasiga, quloq bo‘shlig‘iga, bosh va ko‘rsatkich barmoqlari orasidagi nuqtaga va tizzalar ostidagi joyga sekin dumaloq harakatlar bilan bosib, o‘zingizni massaj qiling.
Yog‘och stulga o‘tiring
Stul temir, cho‘yan, plastmassa bo‘lishi mumkin — har qanday, lekin yumshoq narsa emas, hatto kreslo yoki divan ham emas. Sizning vazifangiz o‘zingiz uchun bir muddat yashashning eng noqulay sharoitlarini yaratishdir. Vaqtinchalik o‘tiriladigan qattiq yuza noqulaylik tug‘diradi va uyqungiz o‘chib ketadi, chunki noqulay holatda uxlashni xohlamaysiz.
Izoh (0)