Samsung naushniklar uchun qahva finjoni ko‘rinishida keys ishlab chiqardi

Samsung kompaniyasining boshqa ishlab chiqaruvchilar bilan amalga oshirgan ko‘plab kollaboratsiyalari ham mashhur. 2022-yilda kompaniya foydalanuvchilar “mazali” devayslarining versiyasi bilan xushnud etishga qaror qildi, deb xabar beradi Hi-Tech.Mail.ru.

Janubiy Koreya korporatsiyasi dunyoga mashhur Starbucks qahvaxonalar tarmog‘i bilan hamkorlikni yo‘lga qo‘yganini e’lon qildi va to‘rtta cheklangan mahsulotini taqdim etdi.

Galaxy x Starbucks kolleksiyasidan quyidagi yangi mahsulotlar o‘rin olgan:

• Samsung Galaxy S22 smartfoni uchun to‘q yashil g‘ilof;
• Samsung Galaxy S22+ uchun yorqin yashil g‘ilof;
• Samsung Galaxy S22 Ultra uchun tasmasli g‘ilof;
• Galaxy Buds 2 naushniklari keysi uchun ikki turdagi g‘ilof.

Naushniklar uchun mo‘ljallangan g‘iloflardan biri keysni latteli finjonga aylantiradi. Ma’lum qilinishicha, smartfonlar uchun ishlab chiqarilgan g‘iloflarning barchasi ekologik materiallardan ishlangan. Yangi mahsulotlarni 28-iyundan boshlab faqat Janubiy Koreya aholisi xarid qilishi mumkin. Hozircha narxlar e’lon qilinmagan.