Eron islom inqilobi muhofizlari korpusi qo‘mondoni Husayn Salamiy tashkilotning razvedka bo‘linmasiga yangi rahbar etib general Muhammad Kozimiyni tayinladi. Bu haqda RFI xabar qilgan.
Kozimiy mazkur lavozimda Husayn Toyibni almashtirdi, u idoraga 12 yil davomida rahbarlik qilgandi. Toyib Eron islom inqilobi muhofizlari korpusi qo‘mondonining maslahatchisi lavozimiga o‘tkazilgan.
Kozimiy razvedka tashkiloti boshlig‘i lavozimiga kelguniga qadar korpusning kontrrazvedka bo‘limini boshqargan.
Al Arabiya nashrining qayd etishicha Kozimiyning tayinlovi Eron islom inqilobi muhofizalari korpusining bir qator a’zolari, Eron harbiylariga aloqador odamlarning halok bo‘lgani oqibatida amalga oshirilgan.
Eron islom inqilobi muhofizalari korpusi razvedka tashkiloti 2009-yilda tashkil qilingan va Eron axborotlashtirish vazirligi bilan parallel ravishda ish olib boradi, vazirlik ham razvedka, kontrrazvedka va aksilterror operatsiyalarini amalga oshiradi.
Izoh (0)