Bugun,

  • USD 11095.31
  • RUB 173.84
  • EUR 10772.44

Termez Cargo Centre logistika markaziga prezidentning 21-iyundagi qarori bilan Afg‘oniston va boshqa davlatlarga gumanitar yordam ko‘rsatish bo‘yicha xalqaro ko‘p funksiyali transport-logistika xabi maqomi berildi.

Foto: Surxondaryo viloyati hokimligi matbuot xizmati

Foto: Surxondaryo viloyati hokimligi matbuot xizmati

Bu BMT, boshqa xalqaro tashkilotlar va xorijiy davlatlar tomonidan Afg‘oniston va boshqa davlatlarga gumanitar yordamning tizimli asosda, markazlashtirilgan va maqsadli yetkazilishini ta’minlash hamda buning uchun eng qulay shart-sharoitlarni yaratish maqsadida amalga oshirilmoqda.

Shu munosabat bilan Termez Cargo Centre’ga qo‘shimcha vazifalar yuklangan:

  • Gumanitar yordam ko‘rsatish maqsadida Xalqaro xabdan foydalanayotgan manfaatdor xalqaro tashkilotlar va xorijiy davlatlar vakillari uchun zarur shart-sharoitlar yaratish;
  • Xalqaro tashkilotlar va xorijiy davlatlardan Afg‘oniston va boshqa davlatlarga yuborilayotgan gumanitar yordamni havo, temir yo‘l va avtomobil transportidan foydalangan holdan belgilangan tartibda qabul qilish, saqlash va jo‘natishni ta’minlash;
  • Yuklash-tushirish ishlari, yuklarni tashish va saqlashni o‘z ichiga olgan kompleks transport-logistika xizmatlarini ko‘rsatish, shuningdek, sanitariya qoidalari, normalari va gigiyena normativlari talablariga rioya etish.
Belgilanishicha, Termez Cargo Centre xalqaro xabi hududida:
  • Bojxona, soliq, sertifikatlashtirish, fitosanitariya, veterinariya, transport, bank xizmatlari, valyuta ayirboshlash va mobil aloqa xizmatlari, shuningdek, tibbiy va mehmonxona xizmatlari, avtotransport vositalariga texnik xizmat ko‘rsatish va boshqa xizmatlar “yagona darcha” tamoyili bo‘yicha va interaktiv shaklda yo‘lga qo‘yiladi;
  • Afg‘oniston va boshqa davlatlarga gumonitar yordam sifatida yuborilayotgan tovarlarni bojxona chegarasi orqali olib o‘tayotganda ushbu tovarlarning bojxona rasmiylashtiruvi ustuvor va soddalashtirilgan tartibda amalga oshiriladi.
Eslatib o‘tamiz, 2021-yilning oktabr o‘rtalarida Termez Cergo Centre BMT Qochqinlar ishlari bo‘yicha oliy komissaridan Afg‘oniston uchun mo‘ljallangan 100 tonnadan ortiq gumanitar yordamni qabul qilib olgandi. Keyinroq yuklar yuk mashinalari orqali Mozori-Sharifga yuborilgan edi.

Izoh
Asosiy yangiliklar
Mahalliy
Oʻzbekiston energetikasi: ortayotgan talab, taqchillik va koʻrilayotgan choralar haqida
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Mahalliy
Besh yilda 218 mingdan koʻproq xonadon. Oʻzbekistonda uy-joy muammosi qanday hal etilmoqda?