“Yevropa AQSH yordamisiz o‘zini himoya qila olmaydi” — Polsha tashqi ishlar vaziri

Yevropa AQSH ishtirokisiz o‘zini himoya qila olmaydi va hozirgi xavfsizlik inqirozi buni ko‘rsatmoqda — dedi Polsha tashqi ishlar vaziri Zbignev Rau.

“Hozirgi inqiroz yaqqol ko‘rsatib turibdiki, Qo‘shma Shtatlarsiz Yevropa o‘zini himoya qilishga qodir emas”, — deya Rau so‘zlaridan iqtibos keltirgan Associated Press agentligi.

Shu bilan birga, vazir Vashingtonning Yevropadagi ittifoqchilari hali ham qit’ada xavfsizlikni ta’minlash bo‘yicha ba’zi funksiyalarni o‘z zimmalariga olishlari kerakligini ta’kidladi.

Rau, shuningdek, Polsha AQSHning Yevropa xavfsizligini ta’minlashdagi ishtirokini “Yevropada tinchlikning asosiy sharti” deb bilishini qo‘shimcha qildi.