Taniqli kardiolog, “O‘simlik paradoksi” nomli kitob muallifi Stiven Gandri o‘zining sevimli sabzavoti bilan kurashni boshladi: Kitobda yozilishicha, “Pomidorlar juda agressiv mahsulot bo‘lib, ular yallig‘lanish, kilogramm ortishi va jiddiy allergik reaksiyalarni keltirib chiqaradi. Ammo eng yomoni shundaki, lektin hujayralarga hujum qiladi va afsuski, bu oqsil bilan kurashishning yagona yo‘li — uni ratsiondan chiqarishdir. Gandri o‘z tadqiqotining ko‘p qismini ushbu hodisaga bag‘ishladi, deb yozadi Elle.
Gandrining so‘zlariga ko‘ra, lektinsiz ratsion ortiqcha vaznni keltirib chiqarmaydi, chunki bu oqsil ham yog‘larning to‘planishiga hissa qo‘shadi. “Men shifokor sifatida ishimda ilmiy izlanishlarga tayandim. 1000 ishtirokchi ichidan 800 tasi oilada autoimmun kasalligiga chalingan. Lektinsiz ratsionga qat’iy rioya qilganlarda uch oy davomida yallig‘lanish belgilari ko‘rinmadi”, — deya xulosa qiladi kardiolog. Kaliforniyalik shifokorning so‘zlariga ko‘ra, ushbu oqsil demensiya, soch to‘kilishi, husnbuzar, anemiya va hatto surunkali charchoq sindromini oshiradi.
Aytgancha, nafaqat pomidor, balki, masalan, barcha donli va sut mahsulotlari (lekin faqat AQSHda) “taqiqlanganlar” ro‘yxatiga kiritilgan. Qizig‘i shundaki, Janubiy Yevropadan (Ispaniya, Italiya va Portugaliya) sigirlardan olingan mahsulotlar hayvonlarning ozuqasidagi farqlar tufayli bunday taqiq ostida qolmagan.
Pomidor kamchiliklaridan xavotirga tushganlar uchun yaxshi yangilik: ularni iste’mol qilish mumkin, faqat terisini olib tashlagan holda. Chunki uning tarkibida ko‘p lektin mavjud va xom emas, balki pishirilgan holda iste’mol qilish tavsiya etiladi. Ammo lektin bo‘yicha pomidordan keyin ikkinchi rekord egasi — makkajo‘xori bo‘lib, ayrim shifokorlar uni butunlay ratsiondan chiqarishni taklif qiladi.
Izoh (0)