Digital operator O‘zbekistonda birinchi bo‘lib eSIM-kartalarni ro‘yxatdan o‘tkazish uchun masofaviy digital ofisni joriy qildi. Siz tanish SIM-kartaning elektron analogini istalgan qulay joyda, masalan, uyingizdan chiqmasdan ro‘yxatdan o‘tkazishingiz mumkin.
Beeline Uzbekistan o‘tgan yilning kuzida eSIM’ni ulashni boshladi. Yangi turdagi kartalar o‘rnatilgan modullar bo‘lib, ular hozirda mobil tarmoqda ishlaydigan gadjetlarning aksariyat modellarida o‘rnatiladi. eSIM’larning asosiy afzalligi shundaki, ularni sindirib qo‘yish yoki yo‘qotishning iloji yo‘q.
Beeline Uzbekistan’dan eSIM’ni bepul tarzda ulashni istovchilar soni ko‘p bo‘ldi. Biroq ayrimlar uchun ro‘yxatdan o‘tishga operator ofislariga shaxsan kelish zarurati to‘sqinlik qilgan edi. Endi bu to‘siq olib tashlandi: mijozlar ro‘yxatdan o‘tish jarayonidan masofadan o‘tishlari mumkin. Hozirda bu xizmat O‘zbekiston telekom bozori uchun yagona hisoblanadi.
eSIM’ni masofadan ro‘yxatdan o‘tkazish uchun arizalar nomer.beeline.uz sayti orqali qabul qilinadi. Buning uchun saytda raqam tanlab, “Buyurtma berish” tugmasiga bosib, kerakli maydonlarga shaxsiy ma’lumotlarni ko‘rsatish kerak. Keyin maxsus bo‘limda ro‘yxatdan o‘tish uchun ariza shakllarini yuklab olishingiz kerak. Shuningdek, siz ikkita selfi qo‘shishingiz kerak — shaxsni tasdiqlovchi hujjat va imzolangan ro‘yxatdan o‘tish shakli bilan. Ushbu chora-tadbirlarning barchasi masofaviy digital ofisga shaxsni aniqlash va ariza abonentning o‘zidan kelganligiga ishonch hosil qilish imkonini beradi.
Ma’lumot tekshirilgandan so‘ng Beeline Uzbekistan xodimi mijozga qo‘ng‘iroq qilib, istalgan tafsilotlarni aniqlashtirishi mumkin. Agar bu zarurat bo‘lmasa, yangi eSIM ro‘yxatdan o‘tkaziladi, bu haqda abonent xizmatning shaxsiy kabinetida xabardor qilinadi — kompaniyaga ariza yuborilgandan so‘ng nomer.beeline.uz saytida yaratiladi. QR-kodli shakl ham mavjud, uni skanerlashdan so‘ng siz tarif rejasini tanlashingiz va balansni to‘ldirishingiz kerak. Shundan so‘ng karta tarmoqda to‘liq ishlay boshlaydi.
“Albatta, eSIM’ni masofadan ro‘yxatdan o‘tkazishda mijoz biroz vaqt sarflashi kerak. Ammo bu usul hali ham aloqa ofisiga tashrif buyurishdan ko‘ra tezroq va qulayroqdir. Ayniqsa, bizning xizmatimiz ofislarimiz mavjud bo‘lmagan aholi punktlari aholisiga ma’qul keladi. Bu holda ancha vaqt tejaladi va innovatsion eSIM’lardan to‘liq foydalanish imkoniyati mavjud bo‘ladi”, — dedi Beeline Uzbekistan tijorat direktori Maksim Yefremov.
Unitel MChJ 2006-yilning 12-sentabrdan boshlab
VEON 9 mamlakatda 213 milliondan ortiq obunachiga ega global telekommunikatsiya va internet xizmatlarini provayderi. Uning aksiyalari NASDAQ va Euronext Amsterdam fond bozorlarida joylashgan.
Beeline Uzbekistan’da 1,6 mingga yaqin xodim ishlaydi. 2006-yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1,2 milliard AQSh dollaridan ortiq sarmoya kiritdi. Beeline savdo belgisi tomonidan O‘zbekistondagi faoliyati davomida 1,8 milliard dollardan ortiq soliq to‘langan.
Sayt: beeline.uz
Facebook: fb.com/beeline.uz
Instagram: beeline_uzbekistan
Telegram: https://t.me/beelineuzbekistan
LinkedIn: https://www.linkedin.com/company/beelineuzbekistan
Reklama huquqi asosida.
Izoh (0)