Rossiyalik aralash jang san’ati ustasi Zabit Magomedsharipov ijtimoiy tarmoq orqali professional faoliyatini yakunlashga qaror qilganini ma’lum qildi.
Do‘stlar! Bilaman, ko‘pchilik mening qaytishimni kutayotgandi, odamlarning jang qachon bo‘lishini so‘ramagan kuni qolmadi. Ammo men sportdagi faoliyatimni yakunlashga qaror qildim. Janglardan qolgan asoratlar, undan so‘ng sog‘liq bilan bog‘liq muammolar — bularning barchasi menga oldinroq chiqish qilishga imkon bermadi. Hozir ancha yaxshiman, lekin baribir o‘zimni avvalgidek his qilmayapman.Zabit MMA’da 19 ta jang o‘tkazib, 18 tasida g‘alaba qozongan. UFC promoushenida esa 6 ta jangda ishtirok etib, barchasida g‘alaba qozongan. Magomedsharipov 2019-yil noyabr oyida Kalvin Kattarga qarshi o‘tkazgan so‘nggi jangida hakamlar qarori bilan g‘alaba qozongan edi.Uzoq vaqt davomida qo‘llab-quvvatlagan barchaga rahmat. Chempion bo‘lishga ulgurmadim, shunda ham sizni xursand qila oldim deb o‘ylayman. Amaldagi sportchi bo‘lishni bas qilaman, ammo sportni tark etmayman. Menda baham ko‘rishim kerak bo‘lgan bilimlar bor. Shunday ekan xayrlashmaymiz, do‘stlar. Yana bir bor qo‘llab-quvvatlaganingiz uchun rahmat.
Zabit Magomedsharipov, UFC jangchisi
Izoh (0)