Samarqand viloyatining Kattaqo‘rg‘on tumanida tabiiy gazdan noqonuniy foydalanib, davlat va jamiyat manfaatlariga 3,5 milliard so‘m zarar yetkazilgani aniqlandi.
Bosh prokuratura huzuridagi departamentning Kattaqo‘rg‘on tuman bo‘limi va “Hududgaz Samarqand” gaz ta’minoti filiali mutaxassislari bilan o‘tkazilgan tergovga qadar tekshiruvda, tumandagi “Mirzo Ulug‘bek” MFY hududidagi noturar binoda fuqaro S.X. gazlashtirish uchun hujjatlarni rasmiylashtirmasdan, tabiiy gaz tarmog‘iga noqonuniy ulangani ma’lum bo‘lgan.
U 4 dona ohak pishirishga mo‘ljallangan qo‘lbola yasalgan pechlarga 10 dona nostandart gaz yondirgichlarini o‘zboshimchalik bilan o‘rnatib, ishlatgani oqibatida, umumiy da’vo muddatidan kelib chiqqan holda, davlat va jamiyat manfaatlariga 3,5 mlrd so‘m zarar yetkazilgani aniqlangan.
Qayd etilishicha, holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)