Hukumat qarori bilan Baxtiyor Mardonov Navoiy davlat konchilik va texnologiyalar universiteti rektori vazifasini bajaruvchi etib tayinlandi. Bu haqda Telegram’dagi “Huquqiy axborot” kanali xabar qildi.
Qayd etilishicha, mazkur universitet prezidentning 2022-yil 31-martdagi qarori bilan qayta tashkil etilgan. Avval Navoiy davlat konchilik instituti nomi bilan faoliyat yuritgan.
Yangi universitetda sanoat, texnika-texnologiya, muhandislik sohalari uchun oliy ma’lumotli mutaxassislar va ilmiy-pedagogik kadrlar tayyorlanadi. OTMda 2023/2024-o‘quv yilidan texnika yo‘nalishi bo‘yicha qo‘shma ta’lim dasturlari asosida kadrlar tayyorlash yo‘lga qo‘yiladi.
Universitetga yangi rahbar tayinlangani munosabati bilan Quvondiq Sanaqulov Navoiy davlat konchilik instituti rektori lavozimidan ozod etilgan.
Avvalroq Termiz muhandislik-texnologiya institutiga rektor tayinlangandi. Shuningdek, Toshkent irrigatsiya universiteti hamda Botir Zokirov nomidagi Milliy estrada san’ati institutiga rektor tayinlangan.
Izoh (0)