“Matbuot erkinligi va Britaniya demokratiyasi uchun qora kun” - WikiLeaks Buyuk Britaniya hukumatining sayt asoschisi Julian Assanjni AQSHga ekstraditsiya qilishga ruxsat berish haqidagi qaroriga shunday munosabat bildirdi. U AQSHda Iroq va Afg‘onistondagi harbiy yurishlar haqidagi josuslik va maxfiy hujjatlarni nashr qilishda ayblangan.
Aprel oyida jurnalistni ekstraditsiya qilish haqidagi qaror London sudi tomonidan chiqarilgan, biroq yakuniy qaror Ichki ishlar vazirligiga tegishli edi. Ichki ishlar departamenti sudlarga tayangan bayonotida ekstraditsiya Assanj huquqlarini buzmasligi va adolatsiz chora sifatida baholanishi mumkin emasligini ma’lum qiladi.
Jurnalist himoyachilari apellyatsiya berish niyatida, buning uchun 14 kun vaqt ajratilgan.
Xalqaro amnistiya tashkiloti Julian Assanjga qo‘yilgan ayblovlarni olib tashlashni talab qilmoqda. O‘tgan yili advokatlar ekstraditsiya haqidagi qarorni bekor qilishga muvaffaq bo‘lgan edi.
Mavzuga doir:
Izoh (0)