Toshkent shahri, Yakkasaroy tumanidagi ofis binosi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, ofis binosi 80 ta xonadan iborat. Bino 2021-2022-yillarda qurilgan, suv, elektr, gaz ta’minoti va kanalizatsiya tizimi mavjud.
Yer uchastkasining umumiy maydoni — 0,19 gektar. Binoning maydoni — 3 623 kvadrat metr. Ofis 5 qavat va yerto‘ladan iborat.
Auksionga qo‘yilgan ofisning boshlang‘ich bahosi — 25,6 mlrd so‘m. Arizalar 18-iyul 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Farg‘onadagi qurilishi tugallanmagan mehmonxona MIB tomonidan 16,7 mlrd so‘mga auksionga qo‘yilgani haqida xabar berilgandi.
Izoh (0)