AOKAda o‘tkazilgan matbuot anjumanida Ichki ishlar vazirligi Kiberxavfsizlik markazi mas’ul xodimlari sohaga oid O‘zbekistondagi kiberjinoiy ahvol haqida ma’lumot berdi.
Qayd etilishicha, O‘zbekistonda 25 million nafardan ortiq internet foydalanuvchilari mavjud. O‘tkazilgan tahlil natijalari bugungi kunda mamlakatda kiberjinoyatchilikni o‘sish tendensiyasi kuzatilayotganini ko‘rsatgan.
So‘nggi 3 yilda kiberjinoyatlar soni bir necha baravarga oshib ketgan. Jumladan, kiberjinoyatchilikning bir qator turlari sodir bo‘lgan. Misol uchun:
- firibgarlar plastik karta foydalanuvchilariga kelgan SMS xabarnomadagi kodlarni to‘lovni amalga oshirish, yutuqni berish kabi bahonalar orqali egallab, undagi mablag‘larni o‘zlashtirish;
- shaxsiy ma’lumotlarni egallash va ularni oshkor qilish bilan qo‘rqitib tovlamachilik qilish (kibertovlamachilik);
- ijtimoiy tarmoqda zo‘rlik ishlatish bilan qo‘rqitish, haqorat, suitsid holatlari (kiberbulling) va boshqalar.
“Shu maqsadda internet tarmog‘ida sodir etilayotgan jinoyatlarga qarshi kurashish, ularni barvaqt oldini olish bo‘yicha bevosita IIV tomonidan birinchi navbatda fuqarolar o‘rtasida faol targ‘ibot tadbirlari o‘tkazilib kelinmoqda”, — deyiladi xabarda.
Mavzuga doir:
- “O‘zbekiston kriptomaynerlar hujumiga eng ko‘p uchraydigan mamlakat”. Axborot xavfsizligi sohasi mutaxassisi bilan suhbat
- O‘zbekistonda Davlat xavfsizlik xizmati kiberxavfsizlik sohasidagi vakolatli davlat organi etib belgilandi
- O‘zbekiston axborot tizimlariga yilning birinchi choragida chetdan 200 dan ortiq kiberhujum uyushtirildi
Izoh (0)