Samarqand viloyati Bulung‘ur tumanida soxta ichki ishlar xodimasi qo‘lga olindi. Bu haqda viloyat Ichki ishlar boshqarmasi xabar qildi.
Qayd etilishicha, patrullik tekshiruv tadbirlari davomida tumanning “Mehrjon” mahallasi hududida fuqaro I.N. ichki ishlar organlari xodimlarining kiyimida (yengi kalta ko‘k ko‘ylak, shim, bosh kiyimsiz va pogonlarsiz) yurgani aniqlangan.
O‘tkazilgan suhbat davomida ma’lum bo‘lishicha, ayol formani Samarqand shahrida joylashgan chevarxonalardan sotib olgan.
Holat yuzasidan tergovga qadar tekshiruv harakatlari olib borilmoqda.
Avval ham Samarqandda soxta ichki ishlar xodimi qo‘lga olingandi. U IIB xizmat kiyimida tushgan fotosurati mavjud bo‘lgan qalbaki guvohnomani o‘zi bilan olib yurgan.
Bundan tashqari, Andijonda fuqarolarning telefoni va pullarini o‘g‘irlagan soxta IIB xodimi ushlangani, Samarqandda qizga yaxshi ko‘rinish uchun IIB xizmat kiyimini noqonuniy kiygan yigit qo‘lga tushgani, Andijonda fuqarolardan pasport va nikoh guvohnomasi qildirib berish uchun pul olgan soxta IIB xodimi fosh bo‘lgani haqida xabar berilgan.
Izoh (0)