Pedri, Kamavinga va Fati. Golden Boy—2022 sovriniga da’vogarlarning dastlabki ro‘yxati e’lon qilindi

Golden Boy—2022 sovrini uchun nomzodlar ro‘yxati ma’lum bo‘ldi.

Tuttosport nashri Yevropaning 21 yoshdan katta bo‘lmagan eng yaxshi futbolchisi nomiga da’vogar 100 nafar o‘yinchining ro‘yxatini e’lon qildi.

Nomzodlar qatoridan Karim Adeyemi, Jud Bellinghem, Yusuffa Mukoko, Jovanni Reyna (barchasi “Borussiya D”), Eduardo Kamavinga (“Real”), Entoni Elanga (“Manchester Yunayted”), Pedri, Ansu Fati, Gavi (barchasi “Barselona”), Rayan Gravenberx, Jamal Musiala (ikkalasi ham “Bavariya”), Feliks Afena-Gyan, Eduardo Bove, Nikola Zalevski (barchasi “Roma”), Ilya Zabarniy (“Dinamo Kiyev”) kabi futbolchilar o‘rin olgan.

Barcha nomzodlar bilan quyidagi ro‘yxat orqali tanishish mumkin.

Eslatib o‘tamiz, 2021-yilgi Golden Boy sovrinini “Barselona” yarim himoyachisi Pedri qo‘lga kiritgandi. 2020-yilda “Borussiya D” hujumchisi Erling Holand ushbu nomga loyiq ko‘rilgandi.