FHDY organlari tomonidan 2022-yilning 1-iyun holatiga respublika bo‘yicha 90 543 nikoh qayd etilgan. Shundan homilador bo‘lgani sababli muddatidan oldin nikohni qayd etish holatlari 7 612 tani (8 foiz) tashkil qilgan. Bu haqda Davlat xizmatlari agentligi xabar berdi.
Ushbu holatlar bo‘yicha eng yuqori ko‘rsatgich Qoraqalpog‘iston Respublikasi 2 513 ta (40 foiz), Xorazm viloyati 882 ta (12 foiz), Qashqadaryo viloyati 797 ta (9 foiz) va Surxondaryo viloyati 679 ta (9 foiz)da qayd etilgan.
Oila kodeksiga asosan nikoh tuzish nikohlanuvchilarning fuqarolik holati dalolatnomalarini qayd etish organlariga ariza berganlaridan keyin bir oy o‘tgach, shaxsan ularning ishtirokida amalga oshirilishi belgilangan. Alohida hollar (homiladorlik, bola tug‘ilishi, bir tarafning kasalligi va boshqalar)da nikoh ariza berilgan kuni tuzilishi mumkin.
Avvalroq O‘zbekistonda 2022-yilning yanvar—aprel oylarida 20 yoshgacha bo‘lgan 19 976 nafar qiz nikohdan o‘tgani, O‘zbekistonda 5 oyda 50 yoshdan oshganlar o‘rtasida 662 ta nikoh holati qayd etilgani to‘g‘risida xabar berilgandi.
Izoh (0)