O‘zbekiston davlat oliygohlari uchun qabul kvotalari tasdiqlandi

Oliy va o‘rta maxsus ta’lim vazirligi xabariga ko‘ra, prezidentning tegishli farmoyishiga asosan 2022/2023-o‘quv yili uchun davlat oliy ta’lim muassasalariga o‘qishga qabul qilishning davlat buyurtmasi parametrlari quyidagicha tasdiqlandi:

a) bakalavrlar tayyorlash bo‘yicha:

• kunduzgi ta’lim shakliga – 77 477 nafar;
• sirtqi ta’lim shakliga – 26 095 nafar;
• kechki ta’lim shakliga – 3 725 nafar;
• masofaviy ta’lim shakliga – 3 410 nafar;

Moliyaviy mustaqillik berilgan davlat OTMlarining kuzatuv kengashlariga hamda qabul parametrlarini Vasiylik kengashi qarori bilan tasdiqlash vakolati berilgan oliy ta’lim tashkilotlariga tegishli qabul parametrlarini 2022-yil 20-iyunga qadar tasdiqlash tavsiya etildi.