O‘zbekistonda oliy ta’lim muassasalariga hujjatlar qabul qilishga aloqasi bo‘lgan o‘zgartirishlar borasidagi muhokama cho‘zilgan. Bu haqda Oliy ta’lim vaziri Abduqodir Toshqulov 16-may kuni AOKAda bo‘lib o‘tgan matbuot anjumanida aytib o‘tdi, deb xabar berdi “Daryo” muxbiri.
Eslatib o‘tamiz, oliy ta’lim muassasalariga hujjatlarni qabul qilish ishlari 15-iyundan boshlanishi kerak edi. Biroq belgilangan muddatdan bir kun keyin prezidentning tegishli farmoyishiga asosan 2022/2023-o‘quv yili uchun davlat oliy ta’lim muassasalariga o‘qishga qabul qilishning davlat buyurtmasi parametrlari tasdiqlandi.
OTMlarga hujjatlarni topshirish 20-iyundan boshlanadigan bo‘ldi.
Abduqodir Toshqulovning aytishicha, bu yerda ijro hokimiyati va Oliy ta’lim vazirligining ayb bor.
“Holatning sababini ochiqlashga harakat qilaman. Joriy o‘quv yiligacha qabulga doir o‘zgarishlar ham, qabul kvotasi ham bitta hujjatda bo‘lardi. Nima uchun kechikardi? Qabulga aloqasi bo‘lgan o‘zgartirishlar borasida tortishuv ko‘p bo‘lardi”, — deydi vazir.
Toshqulovning ta’kidlashicha, vazirlik ijtimoiy tarmoqlardagi minglab izohlarni ham o‘qigan va yaxlitlagan.
“Shuning uchun qarorning qabulda o‘zgarishlariga xos bo‘lgan qismini muhokamasi hisobiga biroz cho‘zildi. Qabul kvotasi esa ancha avval aniq bo‘lgan edi. Kelasi o‘quv yillarida muammo bo‘lmasligi uchun prezidentimiz shunday topshiriq berdilar, bularni ikkita, ya’ni qaror va farmoyish asosida qabul qilishni. Endi qaror chiqishi shart bo‘lmaydi. Qabulda ham yangiliklarni qilib bo‘ldik deb o‘ylayman”, — deydi Oliy ta’lim vaziri.
Izoh (0)