Eldor Shomurodov A Seriyaning boshqa jamoasiga o‘tishi mumkin

Rim klubi Instagram sahifasida Shomurodovning boshqa jamoaga o‘tganiga ishora qiluvchi post qoldirdi. Post tagida italiyalik muxlislar “Sampdoriya” deb yozgach, klub bunga tasdiqlovchi belgilar qoldirdi.

Bu haqda tez orada rasmiy ma’lumot berilishi kutilmoqda.

Avvalroq Eldor Shomurodovga “Fiorentina” va “Lechche” klublari qiziqish bildirayotgani va o‘zbekistonlik futbolchi ijaraga berilishi mumkinligi haqida xabarlar paydo bo‘lgandi.

26 yoshli hujumchining o‘zi esa keyingi mavsumda ham “Roma” safida qolmoqchi ekanini aytgandi.

Ma’lumot uchun, Eldor A Seriyaning 2021/22-yilgi mavsumida asosan zaxira o‘yinchisi sifatida harakat qildi. U 28 o‘yinda 3 ta gol va 4 ta golli uzatma muallifi bo‘ldi.