Ukraina Qurolli kuchlari o‘tgan kun davomida “og‘riqli yo‘qotishlar”ga uchradi. Bu haqda Ukraina prezidenti Vladimir Zelenskiy o‘z videomurojaatida ma’lum qildi.
Davlat rahbari Xarkov viloyatida ham Ukraina harbiylari orasida yo‘qotishlar borligini qo‘shimcha qildi.
1-iyun kuni Zelenskiy Ukrainada jangovar harakatlar oqibatida har kuni 100 nafargacha ukrainalik harbiy halok bo‘layotganini aytgandi. “Vaziyat juda og‘ir. Har kuni janglarda 60 nafardan 100 nafargacha askarimizni yo‘qotyapmiz, 500 ga yaqin odamimiz yaralanmoqda”, — degan u.
10-iyun kuni Zelenskiy ofisining vakili Mixail Podolyak Ukraina armiyasining kunlik yo‘qotishlarini 200 kishigacha deb baholadi.
Ukraina ham, Rossiya ham qo‘shinlarining urushdagi yo‘qotishlari haqida muntazam ravishda xabar bermayapti. Rossiya Mudofaa vazirligi bu ma’lumotni ikki marta, oxirgi marta 25-mart kuni e’lon qilgandi — o‘shanda 1351 kishi halok bo‘lgani va 3825 kishi yaralangani haqida xabar berilgan. Aprel oyi o‘rtalarida esa Vladimir Zelenskiy urush boshidan beri 2500 dan 3000 gacha ukrainalik harbiy xizmatchi halok bo‘lganini, yana 10 mingga yaqini yaralanganini aytdi.
Izoh (0)