O‘zbekiston milliy terma jamoasi bosh murabbiyi Srechko Katanes Osiyo Kubogi—2023 saralashi doirasida Tailandga qarshi kechgan o‘yindan (2:0) keyin o‘z fikrlari bilan o‘rtoqlashdi.
O‘yin haqidaO‘zbekiston milliy terma jamoasi Osiyo Kubogi—2023 saralashi guruh bosqichida yuz foizlik natija qayd etib, musobaqa final bosqichi yo‘llanmasiga ega bo‘ldi.Avvalambor barchangizga rahmat aytaman. Shuningdek, futbolchilarga ham minnatdorchilik bildiraman. Yaxshi o‘yin namoyish etdik. To‘g‘ri, oldingi bahslarda ham ishonchli o‘ynaganmiz, biroq bugungi o‘yin eng yaxshisi edi. Uchrashuv davomida kamida 5-6 ta gol urishimiz mumkin edi.
Masharipov zaxiraga olinganidan keyin norozi bo‘lgani haqida
Buni muammo deb hisoblamayman. O‘zimda ham futbolchilik paytimda shunday hissiyotlar boshimdan o‘tgan. Bu normal holat. O‘z ishimni bajaryapman. Qolgan o‘yinchilarni ham sinab ko‘rishim kerak. Hech qanday muammo yuzaga kelgani yo‘q.
Klublarning terma jamoaga o‘yinchi yetishtirib berish jarayoni haqida
Bu haqda hech qanday fikr bildira olmayman. Barcha murabbiylarni hurmat qilaman. Men faqatgina ularga maslahat bera olishim mumkin, chunki ularning o‘z rejalari bor. Futbolchi klub ixtiyorida bo‘lganida, ularga qo‘shimcha topshiriq berolmayman. Eng yaxshi yo‘l — katta turnirlar arafasida bir oy vaqt ajratilsa, shunda nimadir qilolaman.
O‘zbekiston terma jamoasining o‘yin uslubi haqida
Taktika raqibga qarab tanlanadi. Biz bir xil taktikada o‘ynamaymiz. Masalan, kecha o‘yindan oldin rejamda boshqacha ko‘rinish bor edi, biroq ba’zi o‘zgarishlar kiritib, bugungi tarkibni maydonga tushirdim. Doimiy ravishda o‘zimni so‘roqqa tutaman. Agarda yuqori darajadagi 15 nafar o‘ta mohir o‘yinchi bo‘lsa, bir taktikada bemalol o‘ynataverardim va bundan xursand bo‘lardim.
Kelajakdagi rejalar haqida
Endilikda qolgan o‘yinchilarni ham kuzatamiz. Sentabr va noyabr oylarida FIFA kunlari o‘tkaziladi. O‘ylaymanki, bundan foydalanib, kuchli jamoalar bilan o‘rtoqlik o‘yinlarini o‘tkazamiz.
Srechko Katanes, O‘zbekiston bosh murabbiyi
Izoh (0)