Shavkat Mirziyoyev 15-iyun kuni o‘tkazilgan videoselektor yig‘ilishida aholini kasb-hunarga o‘qitishda xususiy sektor ulushini ko‘paytirish lozimligini ta’kidladi. Bu haqda prezident matbuot kotibi xabar qildi.
Qayd etilishicha, hozirda qonuniy asoslar bo‘lsa-da, bironta xususiy kollej yoki texnikum mavjud emas. Xorijiy kompaniyalar ham o‘zbekistonlik yoshlarni kasbga o‘qitib, bandligini ta’minlash bo‘yicha ko‘plab tashabbuslarni bildirmoqda.
Bu boradagi ishlarni faollashtirish maqsadida xususiy kollej va texnikumlar tashkil etish uchun qator imtiyozlar beriladi:
- litsenziya olish uchun talablar qayta ko‘rib chiqilib, zarur mablag‘ning minimal miqdori 2 baravarga kamaytiriladi;
- bo‘sh binolar uzoq muddatga ijaraga beriladi;
- xorijdan keltiriladigan adabiyotlar va uskunalar bojxona to‘lovlaridan ozod qilinadi;
- xalqaro malaka sertifikatini olgan har bir bitiruvchi uchun 1 million so‘mdan to‘lab beriladi;
- ehtiyojmand yoshlar to‘lov-kontrakti mablag‘ining 30 foizi qoplab beriladi.
Izoh (0)