Sayyohlar Gruziyaga COVID-ga qarshi emlash sertifikatlari va PZR testlarini taqdim etmasdan kirishlari mumkin. Avvalroq Tbilisi meriyasi pandemiyani deyarli to‘liq yengganini e’lon qilgandi, hozirda yangi kasallanishlar soni kuniga 100 kishidan oshmaydi.
Barcha davlatlarning fuqarolari Gruziya hududiga chegarada to‘liq emlash kursi sertifikati, koronavirus uchun PZR salbiy testi yoki o‘zini o‘zi izolyatsiya qilinganligi to‘g‘risida ma’lumotnoma taqdim etmasdan kirishlari mumkin. Bu haqda “Zakonadatelniy vestnik Gruzii” portalida chop etilgan bosh vazir Irakliy Garibashvilining farmonida aytiladi.
“Chet eldan kelgan har qanday shaxs (fuqaroligidan qat’i nazar) istalgan mamlakatdan kirib kelayotganda emlashning to‘liq kursini tasdiqlovchi hujjatni taqdim etish majburiyatidan ozod qilinadi”, — deyiladi hujjatda.
Farmon 15-iyun, chorshanba kunidan kuchga kirdi.
Izoh (0)