2022-yil 13-iyun holatiga ko‘ra, Salvador bitkoin investitsiyalarining yarmini yo‘qotdi. Bu haqda Mashable xabar berdi.
2021-yil oktabr oyida Salvador prezidenti Nayib Bukele bir bitkoin uchun 60 mingdan ortiq narxda 420 bitkoin sotib olgan. 9-may kuni u yana bir bitkoin uchun 30 mingdan ortiq narxda 500 bitkoin sotib oldi.
Kriptovalyutaning qiymati esa 22 ming dollardan pastga tushdi, bu 2020-yil oxiridan beri eng past ko‘rsatkichdir.
Salvadorda hozirda 2301 bitkoin mavjud bo‘lib, u taxminan 53 mln dollarga teng. Prezident Bukele kriptovalyutaga 105,6 mln dollar sarmoya kiritgan.
2021-yil sentabr oyi boshida bitkoin Salvadorning rasmiy valyutasiga aylangan. Qonun kuchga kirishidan bir kun oldin mamlakat 20,9 mln dollarlik 400 bitkoin sotib olgan.
Bukelening aytishicha, bitkoinning rasmiy to‘lov vositasi sifatida tan olinishi xorijda ishlayotgan mamlakat fuqarolariga o‘z vatanlariga pul jo‘natishlarini osonlashtiradi. Ushbu mablag‘lar Salvador yalpi ichki mahsulotining taxminan 20 foizini tashkil qiladi.
Mamlakatda "bitkoinizatsiya" tufayli norozilik namoyishlari bo‘ldi - mahalliy aholi bu beqarorlik va inflyatsiyaga sabab bo‘lishiga ishongan.
2022-yilning may oyida Salvadorda defolt xavfi ortdi: Bukele kritik obligatsiyalar chiqarishni rejalashtirdi, ammo amortizatsiya tufayli bu qoldirildi. Mamlakatning davlat qarzi 24 mlrd dollardan oshdi.
Korxonalarning atigi 14 foizi to‘lovlar uchun bitkoindan foydalanishni boshladi. Kompaniyalarning 90 foizdan ortig‘i bitkoinning to‘lov vositasi sifatida tan olinishi ularning daromadlariga hech qanday ta’sir ko‘rsatmasligini ta’kidlagan.
Avvalroq efirium va bitkoin narxi keskin tushib ketgani haqida xabar berilgan edi.
Izoh (0)