Markaziy bank Finlit loyihasi doirasida bank yacheykasi haqida ma’lumot berdi.
Ta’til, uzoq muddatli ish safariga ketayotganingizda yoki shunchaki uyingizdagi qimmatbaho buyumlarning, moddiy qimmatliklarning xavfsizligi uchun shaxsiy bank yacheykalari va seyflardan foydalanishingiz mumkin.
Bank yacheykasining asosiy afzalliklaridan biri uning xavfsizligida hisoblanadi. Yacheykani istalgan vaqtgacha ijaraga olish mumkin.
O‘rtacha bank yacheykasi oyiga 5 ming so‘mdan 112 ming so‘mgacha turadi.
Bank yacheykasida pul, qimmatli qog‘ozlar, qimmatbaho metallar, zargarlik buyumlari, hujjatlar va boshqa boyliklar saqlash mumkin.
Yacheykada moddiy qimmatliklarni butligi va seyf daxlsizligi bo‘yicha to‘liq javobgarlikni bank o‘z zimmasiga oladi. Shuningdek, mijoz bo‘yicha bank siri ma’lumotlarini oshkor etmaslikni kafolatlaydi
Nima uchun bank yacheykasi foydali bo‘lishi mumkin?
Mantiqan olib qaraganda bank yacheykalarida moddiy qimmatliklar va pul mablag‘larini saqlash sizga daromad olib kelmaydi.
Lekin shaxsiy bank yacheykalaridan pul mablag‘larini saqlash va yirik amaliyotlarni, masalan, uy-joy oldi-sotdisi vaqtida foydаlanganda xavfsizlik to‘liq ta’minlanadi.
Bank yacheykasining asosiy afzalliklaridan biri uning xavfsizligida hisoblanadi. Banklar ko‘p bosqichli himoya tizimiga ega. Bank yacheykasi – bu metall seyf bo‘lib, u zirhli eshik, qo‘riqlash tizimi, signalizatsiya va videokuzatuv bilan jihozlangan xonada himoyalanadi.
Moddiy qimmatliklarni yacheykada qancha vaqt saqlash mumkin?
Yacheykani istalgan vaqtgacha ijaraga olish mumkin. Odatda shartnoma uzaytirish (prolongatsiya qilish) imkoni bilan aniq muddatda tuziladi.
Ba’zi banklarda ijara to‘lovlari bo‘yicha muddati o‘tgan qarzdorlik (3 oydan ortiq) shartnomani muddatidan oldin bekor qilish uchun asos bo‘lishi mumkin. Bank yacheykasi xizmatidan foydalanishdan oldin shartnoma shartlarini diqqat bilan o‘rganishingiz kerak.
Izoh (0)