Ukraina prezidenti ofisi rahbarining maslahatchisi Mixail Podolyak mamlakat Rossiya bilan og‘ir qurollar bo‘yicha tenglikka erishishi kerakligini aytdi. Gap 1000 ta 155 mm kalibrili gaubitsa, 300 ta RRT (reaktiv raketa tizimi), 500 ta tank va boshqa qurollar haqida bormoqda.
“To‘g‘risini aytganda, urushni tugatish uchun bizga og‘ir qurollardagi tenglik kerak: 1000 ta 155 mm kalibrili gaubitsa; 300 RRT; 500 ta tank; 2000 zirhli transport vositalari; 1000 ta dron”, — deb yozadi Podolyak o‘z Twitter’ida.
Shuningdek Podalyak “15-iyun kuni Bryusselda mudofaa vazirlari aloqa guruhining yig‘ilishi bo‘lib o‘tadi. Biz qarorni kutmoqdamiz”, deya qo‘shimcha qilgan.
10-iyun kuni Ukraina harbiy razvedkasi rahbari o‘rinbosari Vadim Skibitskiy Ukraina artilleriya bo‘yicha Rossiyaga yutqazayotganini va hozir deyarli butunlay G‘arb qurollariga tayanayotganini aytdi. Uning so‘zlariga ko‘ra, Ukraina armiyasida har 10-15 rus artilleriyasiga qarshi bitta artilleriya to‘g‘ri keladi.
Izoh (0)