London va Bryussel o‘rtasida Shimoliy Irlandiya bo‘yicha bahs yana kuchaydi

Britaniya hukumatining Yevropa Ittifoqidan chiqish bo‘yicha kelishuvining Shimoliy Irlandiya haqidagi bir qator bandlarini bir tomonlama qayta ko‘rib chiqish rejasi tufayli London va Bryussel o‘rtasida keskinlik yana kuchaymoqda.

Tuzatishlarning asosiy maqsad —Shimoliy Irlandiya hududining ma’muriy chegarasidagi to‘siqlarni Britaniya tovarlari uchun olib tashlashdan iborat.

“Biz Yevropa Ittifoqi bilan kelishuvlar uchun ochiqmiz va men muzokaralar orqali kelishuvga erishishni afzal ko‘raman”, degan Britaniya diplomatiyasi rahbari Liz Trass. “Ammo gap shundaki, Yevropa Ittifoqi Shimoliy Irlandiyada savdo, soliq va boshqa sohalarda muammolar keltirib chiqaradigan protokolni o‘zgartirishdan bosh tortdi” deya qo‘shimcha qilgan Britaniya Tashqi ishlar vaziri.

Yevropa Ittifoqi esa ikki tomon kelishib olgan Shimoliy Irlandiya bo‘yicha protokol qayta ko‘rib chiqilmasligini ta’kidlamoqda. Bryusselning pozitsiyasi Dublin to‘liqa ma’qullandi.

Yevropa Ittifoqi tez orada Irlandiya janubi va shimoli o‘rtasida bojxona chegarasini yaratmaslikni maqsad qilgan Brexit kelishuvining Shimoliy Irlandiya protokolini amalga oshirishdan kelib chiqadigan keskin burchaklarni yumshatish bo‘yicha o‘z takliflarini taqdim etishga va’da bermoqda.