“Muxbir Daliyev” Telegram kanalida Namanganda Tracker xizmat avtomashinasiga maxsus moslama o‘rnatilgani aks etgan videolavha e’lon qilindi. Namangan viloyati Yo‘l harakati xavfsizligi boshqarmasi holatga munosabat bildirdi.
Aniqlanishicha, videotasvirdagi davlat raqam belgisi 50 077 DAV bo‘lgan Tracker transport vositasi Chortoq tuman hokimligiga tegishli. Avtomashina haydovchisi maxsus moslama, ya’ni miltillovchi chiroqlar o‘rnatib olgani uchun transport vositasi jarima maydoniga joylashtirilgan. Haydovchiga nisbatan ma’muriy bayonnoma rasmiylashtirilgan.
Avvalroq Qamashi hokimining xizmat avtomobili jarima maydoniga joylashtirilgani, Qashqadaryo hokimi o‘rinbosariga tegishli Trailblazer bir vaqtning o‘zida uchta qoidabuzarlik sodir etgani, Chust tumani hokimligining uchta avtomobili to‘planib qolgan qarzdorliklari sabab jarima maydoniga joylashtirilgani haqida xabar berilgan.
Izoh (0)