AQSH Ukrainaga har oy 1,5 mlrd dollardan ajratishga qaror qildi

Vashington Ukraina hukumati faoliyatini qo‘llab-quvvatlab turish uchun Kiyevga har oy 1,5 milliard dollar ajratishni rejalashtirmoqda, deb yozadi “RBK”. Bu haqda AQSH davlat kotibining Yevropa va Yevrosiyo masalalari bo‘yicha yordamchisining birinchi o‘rinbosari Derek Xogan Uilson tahlil markazidagi diskussiyada.

“Biz bu maqsadga turli mexanizmlar orqali allaqachon 1 milliard dollar ajratdik, va to‘rt-besh oy mobaynida har oy taxminan yana 1,5 milliard dollardan yo‘naltirmoqchimiz”, — dedi Xogan.

21-may kuni AQSH prezidenti Jo Bayden 2022-moliya yilida Kiyevga 40,1 milliard dollar ajratishni ko‘zda tutuvchi qonun loyihasini imzolagandi. Bloomberg aniqlik kiritishicha, 6 milliard dollar Kiyevga xavfsizlik sohasida to‘g‘ridan to‘g‘ri ko‘mak bo‘ladi, 8,8 milliard dollar iqtisodiy ko‘mak sifatida, 9,05 milliard dollar Pentagon tomonidan berilgan qurol-yarog‘ zaxirasini to‘ldirishga, 4 milliard dollar Ukrainaga qurol yetkazib berayotgan boshqa mamlakatlarga, 4,35 milliard dollar global oziq-ovqat va gumanitar yordam uchun, 700 million dollar esa Davlat departamenti tomonidan oziq-ovqat moliyalashtiruviga yo‘naltiriladi.

1-iyun kuni Bayden Ukrainaga harbiy yordamning navbatdagi, 700 million dollarlik paketi taqdim etilishini e’lon qildi, unga HIMARS baravar o‘t ochish tizimlari va ularning snaryadlari kiradi.

Keyinroq Politico xabar topishicha, AQSH kongressi a’zolari prezident ma’muriyatidan Ukrainaga yordam uchun ajratilgan 40 milliard dollarning sarflanishi yuzasidan hisobot talab qilgan.

Rossiya harbiy operatsiyasi boshlanganidan buyon Amerika hukumati Ukrainaga xavfsizlik sohasi uchun qariyb 3,9 milliard dollar yo‘naltirgan, deb ma’lum qilgan Pentagon.