Buxoroda avtosalondan xarid qilingan Malibu Iste’molchilar huquqlarini himoya qilish jamiyati aralashuvi bilan tuzatib berildi, deb xabar beradi O‘zA.
Buxoro viloyati Shofirkon tumanida yashovchi fuqaro I.J. Iste’molchilar huquqlarini himoya qilish jamiyatlari federatsiyasining Buxoro shahar jamiyatiga murojaat qilgan. U Buxoro viloyatida joylashgan avtosalondan 369 million so‘mga Malibu rusumli avtomobil xarid qilgani, ammo mashinaning nosozligidan noroziligini bildirgan.
Fuqaro avtosalon xodimlariga bir necha bor bu haqda murojaat qilgan. Biroq murojaatlari e’tiborsiz qoldirilgan.
Holat Buxoro shahar iste’molchilar huquqlarini himoya qilish jamiyati xodimlari tomonidan o‘rganilgan. Avtosalon rahbariyatiga amaldagi qonun hujjatlari talabi yuzasidan tushuntirish ishlari olib borilgach, avtomashina tuzatib berilgan.
Avvalroq Buxoroda 10 kilometr ham yurmagan Tracker’ning nuqsonlari chiqqani bois yangisiga almashtirib berilgandi.
Izoh (0)