O‘zbekistonda asosiy stavkani 17 foizdan 16 foizga tushirildi. Markaziy bank buni mamlakat iqtisodiyoti qisqa muddatli salbiy to‘lqinlari ortda qoldirgani bilan izohladi.
Natijada so‘nggi ikki oyda O‘zbekiston iqtisodiyotida ijobiy tendensiyalar kuzatilmoqda.
Xususan, tashqi savdo va pul o‘tkazmalari hajmining tez tiklanishi xorijiy valyuta taklifini oshirib, milliy valyuta kursining mustahkamlanishiga xizmat qildi.
Yanvar—mart oylarida O‘zbekistonga har oyda o‘rtacha 490 million dollar pul jo‘natmalari tushgan bo‘lsa, aprel—may oylarida bu ko‘rsatkich 1,3 milliard dollarga yetdi.
Shuningdek, eksport tushumlari hisobidan oylik eksport tushumi 1,3 barobar, ichki valyuta bozorida eksport tushumlari hisobidan amalga oshirilgan mablag‘lar miqdori esa 1,4 barobar oshgan.
Shu bilan birga, yil oxirigacha jahon iqtisodiyotida yuqori darajadagi noaniqlik va risklar saqlanib qoladi, deya ogohlantirdi Markaziy bank.
Avvalroq asosiy stavkani 16 foizgacha pasayishi nimani anglatishi va endi O‘zbekistonda nima o‘zgarishi haqida xabar berilgan edi.
Izoh (0)