Futbol bo‘yicha Millatlar Ligasining 2-turidan o‘rin olgan qator uchrashuvlar 7-iyun, seshanba kuni bo‘lib o‘tdi.
Germaniya o‘z maydonida Angliya bilan kuch sinashdi. Birinchi bo‘limda darvozalar daxlsiz qoldi. 50-daqiqaga kelib, Yonas Hofmann hisobni ochishga muvaffaq bo‘ldi. Uchrashuv yakunlanishiga bir necha daqiqa qolganida esa Harri Keyn 11 metrlik jarima zarbasidan unumli foydalanib, mehmonlarni mag‘lubiyatdan qutqarib qoldi.
Italiya Vengriyani mehmon qildi va 2:1 hisobidagi g‘alabani qo‘lga kiritdi. Italyanlar safida Nikolo Barella va Lorenso Pellegrini o‘z nomiga gol yozdirib qo‘ydi. Vengriyaning javob to‘piga ham mezbonlar mualliflik qildi: Janluka Manchini o‘z darvozasini ishg‘ol etib qo‘ydi.
Turkiya esa safarda Litvaga javobsiz 6 ta gol urdi.
Millatlar Ligasi
2-tur bahslari
7-iyun, seshanba
Germaniya – Angliya 1:1
Gollar: 1:0 – 50 Hofmann, 1:1 – 88, penalti Keyn.Germaniya: Noyer, Ryudiger, Klostermann, Shlotterbek, Raum, Hofmann (Gnabri, 65), Gundo‘g‘an (Sane, 83), Kimmix, Musiala (Verner, 65), Haverts, Myuller (Goretska, 76).
Angliya: Pikford, Uoker, Maguayr, Stounz, Trippyer, Fillips (Bellinghem, 14), Rays, Maunt (Grilish, 72), Keyn, Sterling, Saka (Bouen, 80).
Ogohlantirishlar: Shlotterbek (87).
Italiya – Vengriya 2:1
Gollar: 1:0 – 30 Barella, 2:0 – 45 Pellegrini, 2:1 – 61, avtogol Manchini.Italiya: Donnarumma, Kalabriya, Manchini, Bastoni, Spinassola (Dimarko, 75), Kristante, Barella (Tonali, 84), Pellegrini (Lokatelli, 66), Politano (Belotti, 75), Raspadori (Zerbin, 84), Nyonto.
Vengriya: Dibus, Nego (Fiola, 58), Orban, Lang, Salai, Nad (Bolla, 81), Shallai, Nad (Staylz, 58), Soboslai, Shafer (Vancha, 87), Salai (Adam, 87).
Ogohlantirishlar: Barella (64), Shafer (71), Kristante (90).
Izoh (0)