AQShning Nevada shtati Las-Vegas shahrida 4-iyundan 5-iyunga o‘tar kechasi UFC Vegas 56 musobaqasi doirasida Zarrux Adashev oktagonga ko‘tarildi.
Unga bu jangda Zarruxga yamaykalik Ode Osborn raqiblik qildi. O‘zbekistonlik yakkakurashchi jangning birinchi raundidayoq kuchli zarbani o‘tkazib yubordi va chuqur nokaut holatiga tushdi. Shu tariqa Adashev UFC’dagi to‘rtinchi jangida uchinchi bor mag‘lub bo‘ldi.
Adashev bungacha UFC’da uchta jang o‘tkazgan. Promoushendagi ilk jangida 32 soniya ichida nokautga uchrab, Tayson Nemga mag‘lub bo‘lgan. Ikkinchi jangida esa Su Mudaerjiga ochkolar evaziga yutqazgandi. Uchinchi jangida Zarruxga amerikalik Rayan Benua raqiblik qilgan va o‘zbekistonlik sportchi g‘alaba qozongandi.
Ma’lumot uchun, Zarrux UFC’ga qadar Bellator promousheni bayrog‘i ostidagi musobaqalarda qatnashgan. Samarqandlik sportchi MMA’ga qadar kikboksing bilan professional tarzda shug‘ullangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)