“Haj-2022” mavsumida ishtirok etish yosh chegarasi 65 yoshgacha etib belgilandi. Ushbu yosh chegarasiga 1957-yil 30-iyun kunigacha tug‘ilgan insonlar kiradi. Bu haqda Din ishlari bo‘yicha qo‘mita axborot xizmati rahbari Ilhom Ma’rupov ma’lum qildi.
Yosh chegarasi bilan bog‘liq mazkur tartib — O‘zbekiston tomonining emas, balki Saudiya Arabistonining qat’iy talabi hisoblanadi.
Shuningdek:
- bo‘lajak hojilar Jahon sog‘liqni saqlash tashkiloti tomonidan tasdiqlangan Pfizer/BioNTech, Oxford-AstraZeneca, Moderna yoki Johnson & Johnson vaksinalarining to‘liq dozasini qabul qilgan bo‘lishlari shart;
- barcha ziyoratchilar meningitga qarshi 4 valentli vaksinani qabul qilgan bo‘lishi zarur;
- Saudiya Arabistoniga kirishdan 72 soat oldin koronavirus diagnostikasi haqida salbiy natijali PZR ma’lumotnomani taqdim etishlari lozim.
Avvalroq “Haj-2022” mavsumi uchun 1 nafar ziyoratchiga to‘lov miqdori 62 million 900 ming so‘m etib belgilangani to‘g‘risida xabar berilgandi.
Izoh (0)