Ijtimoiy tarmoqlarda Namangan viloyati Yangiqo‘rg‘on tumani “Oqtepa” mahalla fuqarolar yig‘inida joylashgan sement zavodi qulab tushgani tasvirlangan videolar tarqaldi. Viloyat FVB holatga munosabat bildirib, zavodning tom qismi qulab tushganini ma’lum qildi.
Tarqalgan videolarda “Jahon yevro servis” mas’uliyati cheklangan jamiyati tomonidan sement ishlab chiqaruvchi zavod qulagani aytilgan.
Olib borilgan o‘rganish davomida zavoddagi omborga yarim tayyor mahsulot belgilangan me’yordan ko‘p miqdorda olingani sababli omborning tom qismi qulagani aniqlangan.
“Qulash natijasida MCHJga qarashli boshqa bino va inshootlar hamda ishchi-xodimlariga hech qanday ziyon yetmagan”, — deyiladi xabarda.
Izoh (0)