Parfyumeriya — bu insonga yoqimli taassurotlar beradigan o‘zgacha dunyo. Ko‘pchilik atirdan foydalanmasdan ko‘chaga chiqmaydi. Chunki nafis ifor taralib turganini sezgan kishi o‘zini shuncha qulay va yaxshi his etadi. Atirlarga talab oshgani sari mutaxassislar mavsumga mos iforlarni kashf etishni boshladi.
Misol uchun, qishki atirlar o‘tkirroq, shirinroq, yozgilar esa o‘ta yumshoq, mayin, sitrusli bo‘ladi. Qolaversa, mutaxassislar tomonidan jazirama yozda limon, yalpiz, greypfrut hidli atirlardan foydalanish ham tavsiya etiladi.
Aromastilist Dilshod Hojiqurbonov quyida ayollar uchun yozda sepishga mo‘ljallangan eng yaxshi atirlar o‘ntaligi bilan bo‘lishdi.
Victoria’s Secret
BombshellGulli, mevali atir: greypfurt, ananas, mandarin, qulupnay, pion, vanil orxideyasi, mushk, yog‘ochli notalar iforlaridan tashkil topgan.
Dolce Gabbana
Light blue
Gulli, mevali: olma, limon, oq sadr, bambuk, atirgul, yasmin iforlaridan tashkil topgan.
Bal D’afrique
Byredo
Gulli, mevali: bergamot, limon, Afrika kalendula, binafsha, yasmin barglari, mushk iforlaridan tashkil topgan.
Chanel Chance
Edp Tendre
Gulli, mevali: behi, greypfurt, gul, yasmin, oq mushk iforlaridan tashkil topgan.
Escentric Molecules
Escentric 020 (erkaklar va ayollar uchun)
Parfyum gullar guruhiga mansub bo‘lib, o‘zidan gul, mushk anbar iforlarini taratadi.
Un Jardin
Sur Le Nil
Atir gulli va mevali guruhiga mansub bo‘lib, greypfurt, yashil mango, pomidor, sabzi urug‘lari, apelsin, pion, mushk, dolchin iforidan tashkil topgan
Victoria’s Secret
First love
Mazkur parfyum gul guruhiga mansub bo‘lib, o‘zida binafsha barglari, vodiy nilufari, mushk iforlarini mujassam etgan.
Eclat
d’Arpege
Ayollar uchun mo‘ljallangan gulli, mevali atir. Eclat d'Arpège parfyumer Karine Dubreuil tomonidan yaratilgan. 2002 yildan boshlab sotuvga qo‘yilgan. Parfyum pion, shaftoli guli, choy bargi, mushk, sadr kabi bir necha iforlarni o‘zida mujassam etgan.
Versace
Bright Crystal atri gulli va mevali guruhiga kiradi. Alberto Morillas tomonidan 2006 yilda yaratilgan. Atir anor, muz, pion, magnoliya, mushk iforidan tashkil topgan.
Louis Vuitton
California dream
Parfyum meva guruhiga mansub bo‘lib, o‘zidan mandarin, mushk, nok kabi sitrus iforlarni taratadi.
Izoh (0)