Bugun,

  • USD 10920.28
  • RUB 177.49
  • EUR 11052.42

Braziliyalik afsonaviy futbolchi Pele Rossiya prezidenti Vladimir Putinga Ukraina bilan bog‘liq vaziyat tufayli murojaat qildi.

Foto: Getty Images

Pele Instagram sahifasi orqali JCh—2022 saralashi pley-off yarim finali doirasida kechgan Ukraina — Shotlandiya o‘yinidan oldin Rossiya prezidenti nomiga yo‘llangan maktubini e’lon qildi. Bu o‘yinda ukrainaliklar 3:1 hisobida zafar quchdi.

Men ushbu o‘yindan foydalanib, so‘ramoqchiman: buni to‘xtating. Zo‘ravonlikni oqlaydigan hech narsa yo‘q.

Ukrainaliklar hech bo‘lmaganda 90 daqiqa davomida o‘z mamlakatlarida hamon sodir bo‘layotgan fojiani unutishga harakat qiladi. Jahon Chempionatiga chiqish juda qiyin vazifa. Ko‘plab odamlarning hayoti xavf ostida qolayotgan pallada bu deyarli imkonsizga aylanadi.

Bu to‘qnashuv shafqatsiz, asossiz va og‘riq, qo‘rquv, dahshat, azobdan boshqa hech narsa keltirmaydi. Urush faqat xalqlarni bir-biridan ajratish uchungina mavjud.

Men o‘z xalqi xavfsizligi uchun nafrat to‘la ko‘zlar bilan nutq so‘zlagan rahbarlar va urushlarni ko‘rgan sakson yilni yashadim. Biz u vaqtlarga qayta olmaymiz, endi rivojlanishimiz lozim.

Avvalroq uchrashgan vaqtimizda, bir-birimizga tabassum bilan uzoq vaqt qo‘l berib ko‘rishganimizda, bir-birimizdan bunchalik uzoqlashib ketamiz deb o‘ylamagandim. Bu urushni to‘xtata oladigan kuch sizning qo‘lingizda. 2017-yil Moskvadagi so‘nggi uchrashuvimiz vaqtida men ko‘rishgan o‘sha qo‘llarda.

Pele, sobiq futbolchi

Eslatib o‘tamiz, 24-fevral kuni Rossiya prezidenti Vladimir Putin Donbassda “maxsus harbiy operatsiya” boshlanganini e’lon qilgandi. Ayni vaqtda Ukrainaning qator hududlarida harbiy harakatlar davom etmoqda.

Izoh
Asosiy yangiliklar
Mahalliy
Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
Mahalliy
O‘zbekistonda magistraturada o‘qiyotgan xotin-qizlarning kontrakt to‘lovini qoplab berish tartibi belgilandi
Mahalliy
Toshkentdagi klinikada janjal ko‘targan opa-singilga sud hukmi o‘qildi